2018 கடக ராசி

கடக ராசி
சாணக்கிய புலமைமிக்க கடக ராசி அன்பர்களே! ராசியிலேயே ராகுபகவான் நிற்பதால் அதீத உணர்வுகள் உண்டாகும். மனதில் சஞ்சலம் அதிகரிக்கும். மனதில் இனம் புரியாத குழப்பமான சூழ்நிலைகள் உண்டாகும். சிலருக்கு அருள்வாக்கு ஏற்படும். சிலருக்கு துஷ்ட சக்திகளின் தாக்கம் இருப்பது போன்ற பிரமை உண்டாகும். வாழ்க்கை துணையுடன் கருத்து வேறுபாடுகள் அதிகரிக்கும். வாழ்க்கை துணைக்கு ஆரோக்கியம் பாதிக்கும். முயற்சிகளில் முடக்க நிலை காணப்படும். இளைய சகோதர, சகோதரிகளிடம் கருத்து வேறுபாடுகள் உண்டாகும். வெளியூர் மற்றும் வெளிநாடு சார்ந்த தகவல்கள் எதிர்பார்த்த பலன்கள் தாமதமாகவே வந்து சேரும். முயற்சியை தீவிரப்படுத்துவதன் மூலம் நற்பன்களை பெறலாம். ராசிக்கு 8ஆம் அதிபதி சனிபகவான், ராசிக்கு 6ல் மறைவதால் திடீர் ராஜயோகங்கள் அனைத்தும் செயல்படுத்துவார். முயற்சிகளை அதிகரிப்பதன் மூலம் எண்ணிய காரியங்களை எண்ணியதற்கு மேலாக செய்து முடிப்பீர்கள். பயணங்கள் மூலம் அலைச்சல் அதிகரிக்கும். தூக்கம் இல்லாமல் அலைய நேரிடும். இருப்பினும் வருமான நிலை சிறப்பாக இருக்கும். எதிர்காலம் கருதி பல புதிய திட்டங்களை உருவாக்கி செயல்படுத்துவீர்கள். புதிய சிந்தனைகள் மனதில் தோன்றும். அதை செயல்படுத்துவதன் மூலம் உங்களின் தனித்தன்மை வெளிப்படும். திருமண வயதில் உள்ளவர்களுக்கு திருமண வாய்ப்புகள் தாமதப்படும். நீண்ட காலமாக புத்திர பாக்கியத்தை எதிர்நோக்குபவர்களுக்கு மாற்று வழியில் புத்திர பாக்கியம் கிடைக்கும். வாகன பயணங்களில் எச்சரிக்கை தேவை. பழைய வழக்குகளின் மூலம் தனவரவுகள் ஏற்படும். மேலும் காப்பீடு, லாட்டரி போன்றவற்றில் திடீர் தனயோகம் உண்டாகும். புதிய தொழில் வாய்ப்புகள் அமையும், தொழில் சார்ந்த பயிற்சிக்காக வெளியூர் செல்ல நேரிடும். மருத்துவ செலவுகள் அடிக்கடி எட்டிப்பார்க்கும். பிள்ளைகள் வழியில் விரும்பதகாத சூழ்நிலைகள் ஏற்படும். ஆரோக்கியத்தில் சற்று கவனம் தேவை. பழைய கூட்டு தொழிலை, புதிய தொழிலாக புதுப்பிக்க நேரிடும். தாயார் பற்றிய கவலைகள் அதிகரிக்கும். வருமான நிலை உயரும். பொருளாதார நிலை சிறப்படையும். புதிய தொழில்நுட்பம் சார்ந்த தொழிலில் ஈடுபடுவோர்கள் சிறப்படைவார்கள். வெளிநாட்டு ஏற்றுமதி, இறக்குமதி சார்ந்த வணிகம் நற்பலனை தரும். திரவ நிலையில் உள்ள பொருட்களை வியாபாரம் செய்பவர்கள் சிறப்படைவார்கள். ஒவ்வொரு செயலிலும் உங்களின் தனித்திறன் பளிச்சிடும். ஆர்வத்தையும், முயற்சியையும் அதிகரிப்பதன் பொருட்டு சுபமான பலன்களை பெறலாம்.

ஆரோக்கியம் :

ஆரோக்கியத்தில் கவனம் தேவை. இடுப்பு மற்றும் அடிவயிறு சார்ந்த உபாதைகள் ஏற்படும். சிலருக்கு வயிற்றில் அறுவை சிகிச்சைகள் மேற்கொள்ள வேண்டி வரும். வயிற்றில் சூடு சார்ந்த உபாதைகள் உண்டாகும்.

பொருளாதாரம் :

பொருளாதார நிலை மென்மேலும் உயரும். தொழில் சார்ந்த தனவரவுகள் சிறப்பாக அமையும். வீடு கட்டும் யோகம் ஏற்படும். தொழில் ரீதியான அலைச்சலை அதிகரிப்பதன் பொருட்டு வருமான நிலை உயரும். சுபிட்சமான சூழல் அமையும்.

புகழ் :

ராசிக்கு 9 மற்றும் 10ஆம் அதிபதிகளான குருபகவானும், செவ்வாய் பகவானும் இணைந்து ராசிக்கு 4ல் நின்று ராஜ யோகத்தை ஏற்படுத்தவதால் புகழின் உச்சியில் வெற்றிக்கொடி நாட்டுவீர்கள். பிரபலமானவர்களின் தொடர்பால் பல வெற்றிகளை குவிப்பீர்கள். பொன், பொருள், புகழ் போன்ற அனைத்து சுபபலன்களும் ஒருங்கே பெற்று மனமகிழ்ச்சியில் திளைப்பீர்கள்.

வரவேண்டிய வரவுகள் :

வரவேண்டிய பழைய பாக்கிகள், நிலுவை இல்லாமல் வந்து சேரும். சற்றே மென்மையான அணுகுமுறையில் பாக்கிகளை வசூல் செய்வதால் சிதறாமல் பாக்கிகள் வசூல் ஆகும். பேச்சில் சற்று நிதான போக்கை கடைபிடிப்பது அவசியமாகும்.

வாகனமும், வருமானமும் :

கால்நடைகளை வைத்து தொழில் செய்வோர்க்கு சிறப்பான காலமிது. விவசாயம் மற்றும் கால்நடைகள் எதிர்பாராத அபரிதமான யோகத்தை அள்ளி வழங்கும். வாகன யோகம் அமையும். புதிய சொகுசு வாகன சேர்க்கை ஏற்படும். டிராவல்ஸ் தொழில் செய்பவர்களுக்கு சிறப்பான முன்னேற்றமான காலமிது, வீடு, மனை யோகம் ஏற்படும். வீடு கட்டி வாடகை பெறும் யோகம் உண்டாகும். புதிய சொத்து ஏற்படும். வாகனமும், விவசாயமும் சிறப்பாக கைகொடுக்கும்.

உத்தியோகஸ்தர்களுக்கு :

உயர் அதிகாரிகளிடம் பொறுமையை கடைபிடிக்கவும். மறைமுக எதிர்ப்புகளை இனம் கண்டு களை எடுப்பீர்கள். உங்களின் திறமையால் தனித்துவம் பெறுவீர்கள். அலுவலக பணியில் உள்ளவர்களுக்கு பணி சுமை அதிகரிக்கும். பதவி உயர்வுடன் கூடிய பணி மாற்றம் பெறுவீர்கள். சக நண்பர்கள் மற்றும் மேலதிகாரிகளிடம் பிரபலம் அடைவீர்கள்.

அரசியல்வாதிகளுக்கு :

மிகச்சிறந்த பொற் காலமிது. பட்டி, தொட்டி எங்கும் புகழ் அடைவீர்கள். பழைய எதிர்ப்புகள் மாறி, சுப பலன்கள் உண்டாகும். மனதில் புதிய உற்சாகமும், தன்னம்பிக்கையும் ஏற்படும். புதிய சொத்து சேர்க்கை ஏற்படும். எதிர்காலம் கருதி சில சேமிப்புகளை உருவாக்குவது நன்மை தரும்.

மாணவர்களுக்கு :

அடிப்படை கல்வி, உயர்கல்வி பயிலும் மாணவர்கள் வகுப்பில் முதலிடம் பெற்று, சிறந்த மதிப்பெண்கள் பெறுவார்கள். வேலை வாய்ப்பை தேடும் மாணவர்களுக்கு உடனடியாக சிறந்த வேலை வாய்ப்புகள் தேடிவரும். பெரிய கம்பெனிகளில் வேலை வாய்ப்புகள் அமையும்.

வியாபாரிகளுக்கு :

புதிய தொழில் முயற்சிகளில் ஈடுபடுவீர்கள். பழைய கூட்டாளியுடன் சுமூகமான முறையில் பிரிவினை ஏற்படும். பின்னர் புதிய தனித்தொழில் முயற்சி வெற்றி தரும். உங்களின் தொழிலுக்கு மனைவி உறுதுணையாக அமைவார். மனைவி வழி உறவினர்களின் ஆதரவு தொழிலுக்கு சிறப்பாக அமையும். தொழில் மூலம் பிரபலம் அடைவீர்கள். உற்பத்தி தொழில் செய்பவர்களுக்கு சிறப்பான காலமிது. எண்ணெய் வித்துக்கள், ஆன்மிகம், ஆலோசனை, பொது சேவை போன்ற துறையில் உள்ளவர் சிறப்பான முன்னேற்றம் காண்பார்கள். வியாபார அபிவிருத்தி அமோகமாக அமையும். வியாபாரிகளுக்கு இது ஒரு சிறந்த பொற்காலமாக அமையும்.

பெண்களுக்கு :

தந்தை வழி சொத்துக்கள் வந்து சேரும். இதன் மூலம் பெண்களின் வருமானம் மற்றும் சேமிப்பு நிலை உயரும். ஆபரணம் மற்றும் அசையா சொத்துக்களில் முதலீடுகள் அதிகரிக்கும். கனவுகள் நிறைவேறும். புதிய வாகன யோகம் ஏற்படும். புதிய தொழில் முயற்சிகள் கைகூடும். ஆரோக்கியத்தில் கவனம் தேவை. புதிய தொழில் பயிற்சிக்காக வெளியூர் செல்ல நேரிடும். திருமண வயதில் உள்ளவர்களுக்கு நல்ல வரன்கள் தேடி வரும்.

பரிகாரம் :

மகான்கள் மற்றும் சித்தர்களின் ஜீவ சமாதிகளை வழிபாடு செய்வது அனைத்து விதமான சுபபலன்களையும் அள்ளித்தரும். மேலும் கல்வி பயிலும் மாணவர்களுக்கு புத்தகம், நோட், பேனா, பென்சில் போன்ற உதவிகளை செய்வது மேலும் சுபபலனை அதிகரிக்கச் செய்யும்.

---